Timoun Timoun !
Èske n konn Ayiti gen yon Sitadèl?
Wii, Sitadèl Laferyè ki nan Nò d Ayiti
E kiyès ki te rete nan pale San Sousi?
Yon ewo endepandans yo rele Anri Kristòf
Palè 365 pòt la kote li ye?
Li chita kò l nan Tirivyè Latibonit
Èske nou konn tande pale de Nèg Mawon?
Se li ki sou Channmas la anfas palè Nasyonal
Sa yo ye sa yo ye?
Se eritaj istwa nou
Se senbòl fyète nou
Se patrimwàn lakay ke n dwe pwoteje
koutkekout
Anpil nan frè ak sè nou te ede pou bati yo
Se moniman istorik fòk nou aprann konnen yo
Timoun ankò
Èske n konnen kèk mize ann Ayiti?
Gen mize Nasyonal ak mize Oje Fonbren
E ki pi gwo gwòt ki gen ann Ayiti?
Gwòt Marijàn ki nan Pòtapiman
E mache an fè a menm kiyès ki te bati l?

Prezidan Ipolit ki ba li pote non l
Èske nou konnen nan ki ane li te bati?
Wi se te nan lane 1891
Sa yo ye sa yo ye?
Se eritaj istwa nou
Se senbòl fyète nou
Se patrimwàn lakay nou dwe pwoteje
koutkekout
Anpil nan frè ak sè nou te ede pou bati yo
Se moniman istorik fòk nou aprann konnen yo
Nou gen Sitadèl la, Palè San Sousi
Mache Ipolit, ak Nèg mawon
Gen mize Nasyonal la, mize Oje Fonbren
Yo se patrimwàn, patrimwàn lakay nou!