Senk sans
Videyo
Aktivite
Chante ak desinen: Chante chante a ansanm. Apre sa mande timoun yo fè yon desen pou ilistre pawòl yo:
1. Desinen sa yo wè nan tèt yo
2. Sou ki sa chante a pale
3. Yon imaj ki pou ilistre nouvo lide ak vokabilè yo aprann ak chante a.
Odyo
Pawòl
Senk sans
Wè, tande,
Manyen, pran sant, goute
Se sa 5 sans yo ye
Youn de twa kat senk
Nou gen 5 sans, pou ede nou fonksyone
Lotrejou mwen t ap mache
M te wè yon bèl mango
Nan yon gwo pye mango
Yon van pase
Branch lan souke
Ki sa w tande ?
Mango tonbe
Biw bidiw bidiw bidiw biw biw
M fè yon ti pwoche
Mwen bese
Rammase youn
Mwen manyen li, wè si li mi
Li santi bon
Ou pran sant li ?
Wi wi wi
Mwen goute li
Ak lang mwen
E li te bon bon bon
Wè, tande,
Manyen, pran sant, goute
Se sa 5 sans yo ye
Youn de twa kat senk
Nou gen 5 sans, pou ede nou
Fonksyone
Mwen wè yon mango
Ak je mwen
Mwen tande l tonbe
Ak zòrèy mwen
Mwen manyen li
Ak men mwen
Mwen pran sant li
Ak nen mwen
Mwen goute li
Ak lang mwen
E li te gou gou gou gou gou.
Wè, tande,
Manyen, pran sant, goute
Se sa 5 sans yo ye
Youn de twa kat senk
Nou gen 5 sans pou ede nou fonksyone (x2)
